Okondo herri feminista, ezkertiar eta anitza izateko botoa eskatu du EH Bilduk

Koalizioak ekitaldia antolatu zuen larunbatean eta herritar ororen interesak asetzeko lan egingo duela ziurtatu zuen.

Okondoko EH Bilduk ekitaldia egin zuen larunbatean bere egoitzan. Itziar Caminok eta Naiara Otaola alkategaiak hartu zuten hitza euren asmoak azaltzeko.

Naiara Otaolak argitu zuen bere helburua ez dela obra faraonikoak egitea, baizik eta herritarren beharrak asetzea: "Horrek ez du esan nahi obrarik ez dugun egingo; Kultura Etxeko teilatua konpontzeko, igerilekuak berritzeko, bideak eta bazterrak atontzeko..."

Zentzu horretan, Otaolak azpimarratu zuen ikastetxearen eta parkearen artean sarrera bat eraiki nahi dutela, gurasoek aparkatzean sortzen dituzten ilarak ekiditeko, arriskutsuak izan daitezke eta.

Koalizioko ordezkariak nabarmendu zuen mantenuan eta garbiketan eragingo dutela eta jende ororen interesak aintzat hartuko dituztela, ez bakarrik euren bozkatzaileenak.

Bukatzeko, Otaolak adierazi zuen Okondo atzean geratu dela eta herritar ororen laguntza behar dela hori aldatzeko. Azkenik, herria ezkertiar, feminista eta anitza izan dadin, EH Bildu aukera bakarra dela ziurtatu zuen.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide