Musika, antzerkia eta zinema eskainiko dute udal igerilekuetan
Txabi Alvarado Bañares
2019ko uzt. 12a, 07:00
Kultura eskaintza oparoa egongo da datozen egunetan Okondoko udal-igerilekuetan. Gaur -uztailak 12- Anartic taldeak joko du 21:30ean.
Bihar, aldiz, antzerki emanaldia egongo da toki berean, 18:30ean. Turukutupa! taldeak Reziklantes ikuskizuna eskainiko du. “Kontzertu pedagogikoa” izango da, taldeko kideen hitzetan. “Mota askotako musika estiloak ezagutzeko bidai musikala izango da: afro- latindar musikatik hip-hopera, handik musika garaikidera...”. Nabarmendu dutenez, erabiliko dituzten musika tresna guztiak “birziklatutako edota berrerabilitako materialekin” sortutakoak izango dira.
Filma laburren emanaldia Uztailaren 19an, aldiz, zinemaz gozatzeko beta egongo da, Korterrazaren bosgarren edizioarekin. Filma laburren Arabako jaialdi horretara aurkeztu diren lanak ikusi ahal izango dira, 22:00etatik aurrera. Eguraldi txarra egiten badu udal pilotalekura mugituko dute emanaldia.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
