Hauteskundeak baino lehen, erroldan iruzur egitea leporatu dio Okondo Aurrerak alkateari

Izar Mendiguren Cosgaya 2019ko uztailaren 26a
Deskargatu Info Ahotsak :

Ez-ohiko udalbatza eskatuko du Okondo Aurrerak.

Okondo Aurrerak "ustezko iruzur elektorala" salatu du, egungo alkateak tramitatutako errolda batzuetan.

Okondo Aurrerak "ikerketa batzordea" deitzeko eskatu dio EAJko gobernu buruari, "alkateak egindako iruzur baten aukera argitzeko".

Plataforma herritarraren iritziz, hauteskundeetako errolda itxi baino hilabete lehenago Okondon bizi ez ziren bi familia erroldatu zituen herrian: "Bere Babes ofizialeko etxebizitzan, eta gutxienez beste bi lagun bere familia baten bizilekuan. Erroldatu irregular gehiago egon litezkeen edo ez ikertu behar da".

Udalbatzan egindako eskaera ukatu zuen Jon Escuzak. Hargatik, ez-ohiko udalbatza eskatuko du Okondo Aurrerak, "oposizioak ematen dizkigun eskubideak baliatuko ditugu errolda irregularrak profitatuta hauteskunde iruzurra egon denaren aukera argitzeko".

Jon Escuza alkateak udalbatzako jarrera berretsi ditu, eta erantsi du ez duela azalpenik emango, Okondo Aurrerak frogatu behar baitu akusazioa.

Politika Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide