"Arrakastatsuak" izan dira Okondoko mendi jardunaldiak

Erredakzioa 2019ko abenduaren 14a
Deskargatu Info Ahotsak :

Ehun lagunetik gora elkartu dira Ganekogorta mendi taldeak antolatutako jardunaldietan.

Egunotan ospatu dituzte Okondoko mendi jardunaldiak. Hitzaldi eta dastaketak izan dira aurtengo egitarauan nagusi. Alde batetik, Enrike Arberasek Kanadan bizitzako esperientzia kontatu zuen, ikus-entzunezkoez lagunduta. Animaliak harrapatzeko erabiltzen dituzten tranpak izan zituen hizpide, besteak beste. Hala, tresneria bertatik bertara ikusi eta ezagutzeko parada izan zuten bertaratutakoek. 

Atzo, berriz, Gontzal Mendibilekin igaro zuten gaua, Astobitza upategian. "110 lagun elkartu ginen, ez zegoen gehiagorentzat tokirik", adierazi du Justino Artok. Horregatik, prestatutako jarduerak "arrakastatsuak" izan direla erantsi du Ganekogorta mendi taldeko kideak, "Enrike Arberasen hitzaldian 30 lagun elkartu ginen". 

Argazkiak: Justino Arto

Kirola Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide