Hiru milioi euro baino gehiagoko udal-aurrekontuak izango ditu aurten Okondok, EAJ eta EH Bildu akordio batera heldu eta gero. Apirileko Udal Osoko Bilkuran egingo dira ofizial. Sare bereizketaren obrarako diru-partidak barnebiltzen ditu aurrekontuak, 1.428.670 euro bideratuko baitira horretara. Aurten hasi eta 18 hilabetez luzatuko dira lan horiek.
EAJk ohar batean zehaztu duenez, hilerriko ermita birgaitzen jarraituko da aurten eta Ugalderako bidea konpontzeko obra ere egingo da, 256.466 euro inbertituta. Kultura, udal aisialdi ikastaro eta entretenimendurako 35.000 erabiliko dira aurten.
Ekonomiaren lehenengo sektoreari dagokionez, “60.000 euro baino gehiago” inbertituko dira “abeltzaintza mahuka” eraikitzeko, mendietako zaintzarako, sastrakak kenduta, ongarria erabilita eta inausketa eginez. Beste 22.000 euro udal garbiketa zerbitzuetarako erabiliko dira. Covid-19ak sortutako krisiari dagokionez, 7.600 euroko partida bideratuko da “alarma egoera sortzen ari den gastuak arintzera".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
