"Okondo bizia bonoak" sortu ditu udalak, herritarrak eta tokiko kontsumoa sustatzeko

Izar Mendiguren Cosgaya 2020ko ekainaren 15a
Deskargatu Info Ahotsak :

Herriko taberna eta saltokietan erabili ahalko dira bonoak. / Zigor Okendo

Bono bidez tokiko merkataritza sustatzea izango da helburua, ostalaritza barne. 5€ eta 10€ izango dituzte laguntza txartelek, eta tokiko erakundeak hartuko du bere gain deskontuaren gastua.

"Okondo bizia bonoak" aurkeztu ditu Okondoko Udalak. Ostalaritza eta zerbitzuak laguntzea izango da egitasmoaren helburua. Horretarako, 5€ eta 10€ balio dituzten txartelak sortu dituzte. Alabaina, herritarrak 4€ eta 8€ ordainduta eskuratu ahalko ditu, eta aldea tokiko erakundeak hartu du bere gain.

Herritarrek 4€ eta 8€ ordainduta eskuratu ahalko dituzte "Okondo bizia" bonoak, eta deskontuaren tartea Udalak hartu du bere gain

Oharrean zehaztu dutenez, "bonoak txartelak adinako erosketan erabili ahalko dira bakarrik, edo gastua ekarpena baino handiagoa denean". Dinamikak hiru hilabete iraungo du; horrenbestez, tarte horretan baliatu ahalko dira bakarrik "deskontuak".

Horrez gain, pertsona bakoitzak 3 txartel soilik eskuratu ahalko ditu. "Eroslearen datuak hartuko dira", zehaztu dute.

6 gune aukeran

Sei izango dira "Okondo bizia bonoa" egitasmoan parte hartuko duten negozioak: Batzoki, Zigor eta Txaparro tabernak, Iratxo ile-apaindegia, Gorostiola eta Okendo Hipika Kluba.

Jendartea Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide