Egun osoko egitaraua egongo da gaur Okondoko futbol zelaian

Txabi Alvarado Bañares 2020ko abuztuaren 24a

Ostiralean Imna Roizen hitzaldiaz gozatzeko aukera egon zen toki berean.

Egun osoko egitarauaz egongo da gaur -abuztuak 24- Okondoko futbol zelaiko karpan. 12:00etan burbuila erraldoiak egiteko tailerra izango dute, 18:30ean bakarrizketa eskainiko du Iñigo Salinero umoregileak, eta 21:30ean Kepa Sojo zinemagile laudioarraren La pequeña Suiza proiektatuko da, Ermualden eta Artziniegan grabatutako filma (Iñigo Salinero agertzen da bertan):

Okondoko Udalak hainbat jarduera eskaini ditu futbol zelaiko karpan abuztuan zehar. Iragan ostiralean hitzaldia eman zuen herriko bizilaguna den Inma Roiz idazleak (hemen goian ikusi daiteke udalak solasaldian eginiko argazkiak).

Datorren asteko astelehenean -hilaren 31- magia tailerrak eta ikuskizuna antolatu dituzte 18:00etan eta 19:30ean, hurrenez hurren. Irailaren 4an, aldiz, Escupido amor antzezlana ikusteko aukera egongo da.

Kultura Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide