Aiarako Kuadrillakoa da egitasmoa, errefusaren eta hondakin organikoen karakterizazio kanpaina egiten ari baitira aste honetan, Okondoko Udalak jakinarazi duenez.
Okondoko 250 kilo zabor aztertu dituzte aste honetan, udalak sare sozialetan zabaldu duenez. Aiarako Kuadrillatik abiatu dute azterketa, zaborraren sailkapena ikertzeko. Zehazki, errefusa eta hondakin organikoen bereizketa da behatu nahi dutena. "Edukiontzi grisean botatako hondakinen %16 baino gutxiago dagokio errefusari", nabarmendu du tokiko erakundeak. "Behin-betiko datuak jaso ez arren, irudietan ikus daiteke hondakin gehienen gaikako bilketarako edo berrerabilpenerako beste bide batzuk badaudela", erantsi dute.
Berrerabiltzeko deia
Hargatik, berrerabilpena sustatzeko deia zabaldu dute: "tresna elektriko zein elektronikoak, jostailuak, igerileku puzgarriak, arropa... berrerabili egin daitezke edukiontzi zuriaren bidez, bigarren bizitza bat edo dohaitzan emateko". Okondoko "Garbitxiki" edo Laudioko Garbigunean pilatzen dira beste gailuetako asko, "baina horiek biltzeko eskaera egin beharra dago". Hain zuzen, hilabeteko lehen asteazkenetan jasotzen dituzte tamaina handiko hondakinak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
