Atzo eguerdian auto batek istripua izan zuen A-3632 errepidean, Garateko gainean, hain zuzen. Ibilgailua errepidetik atera eta irauli zen. Gidaria onik dago.
Arabako Suhiltzaileak bertaratu ziren Okondora. Edonola ere, larrialdi zerbitzuek azaldu dutenez, gidaria bere kabuz atera zen eta ez zuen zauririk. Hortaz, anbulantziak ez zuen ospitaleratzeko beharrik izan.
Baina hori ez zen izan atzo Aiarako Suhiltzaileek egin zuten irteera bakarra. Izan ere, Laudioko Latiorro auzoan etxe batean sartu ziren balkoitik, alarma faltsua jaso ostean. Behin etxebizitzan, dena ondo zegoela baieztatu zuten eta parkera itzuli ziren.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.