Okondo izango da Aiaraldeko Berdintasun Topaketaren kokaleku. Azaroaren 6an, datorren ostiralean, gauzatuko dute jardunaldia, 10:00etatik aurrera, online.
Hain zuzen, Zoom plataforma baliatuko dute topaketa garatzeko. "COVID-19ak eragindako egoera dela eta, aurtengo topaketa online izango da eta emakumeen jabekuntza teknologikoa izango du ardatz. Emakumeen partaidetza errazteko, aldez aurretik, tailer presentzialak antolatu ditugu udalerrietan, zelan konektatu azaldu eta era praktikoan ikasteko", adierazi du Miren Urresti Aiarako Kuadrillako berdintasun teknikariak.
Topaketan emakumeen jabekuntza teknologikoa landuko dute, batik bat. Horrez gain, Interneteko baliabide feministak ere aurkeztuko dituzte, "Laia Plazara" Arabako plaza feminista kasu.
Aisialdirako ere tartea izango da, Virginia Imaz klownaren parte hartzearekin. "Topaketaren ondorioak umore bidez" nabarmenduko ditu artistak. Zalantza edo izen-ematerako 686 587 889 zenbakira deitu edo bidali behar da mezua, "lotura jasotzeko".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
