SOS Deiak erakundeak domina berdea eman dio Roberto Aretxabala bizilagunari. Okondoko EAJko Udal Batzordeko lehendakaria da Aretxabala. 2020ko uztailaren 28an jazotako gertaera baten aurrean izan zuen jokabideagatik eman diote aitortza.
Marina Metalurgia taldeko Ara Transferencias Termicas enpresan lan egiten du bizilagunak, Erandion. Egun horretan 71 urteko emakume bat erori zen itsasadarrera, eta berak atera zuen uretatik, beste langile batzuekin batera. “Lehen sorospenak eman zizkion emakumeari, larrialdi zerbitzuak bertaratu ziren arte”, azaldu du EAJk ohar baten bidez.
Beste lau pertsonari ere eman dizkiete dominak, antzeko ekintzak egiteagatik.
Okondon eman zioten aitortza Aretxabalari, mugikortasun-murrizketek ez dutelako ohiko ekitaldia egitea ahalbidetzen. Pedro Anitua Aldekoa bertaratu zen herrira, Larrialdiei Aurre Egiteko eta Meteorologiako zuzendaria. Berak eman zion domina EAJko kideari, Josu Erkoreka Segurtasun Sailburuaren partez.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide