EAJko senatari okondoarrak alderdi guztiekin, Voxekin salbu, adostu du testua horretarako. Izan ere, EAEn eta Nafarroan gida-baimena aztertzaileen behar handia dago, Otaolaren ustez.
Almudena Otaolak ekimena eraman du senatura, Espainiako Gobernuak gida-baimen aztertzaileen artean dauden plaza hutsak bete ditzan. Okondoarrak gogoratu du uztailean gai horri buruz galdetu zuela goi ganberan eta geroztik ez dela ezer egin.
Hori dela medio, EAJk talde politiko guztiekin, Vox salbu, akordioa lortu du, Gobernuari arazo hori kontratazioen bidez konpontzea eskatzeko. Otaolak gogoratu du EAEn zein Nafarroan ikasleen itxaron zerrendak sortu direla eta lurralderik kaltetuena Bizkaia dela. Zentzu horretan, jeltzalearen testuak zehazten du behar gehien duten probintziek izan beharko dutela lehentasuna.
Otaolak azpimarratu du egungo lan merkatuan gida-baimena ezinbesteko tresna dela eta gazteen etorkizunean ondorioak izan ditzakeela dokumentu hori ez izateak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
