Munduko vermouth onenaren saria, Astobiza txakolindegiarentzat

Txabi Alvarado Bañares 2021eko apirilaren 23a
Deskargatu Info Ahotsak :

12 urte behar izan dituzte edaria prestatzeko. / Astobiza txakolina

12 urte behar izan dituzte Okondoko upategiko kideek edaria prestatzeko. 

World Vermouth Awards norgehiagokan gailendu da  Astobiza txakolindegia. Munduko beste hainbat marka entzutetsuren aurka neurtu da Okondoko upategia, erdi-gozo kategorian. 

12 urte baliatu behar izan dituzte lehiaketara aurkeztutako edaria prestatzeko: 10 urte ikerketa garatzeko eta beste 2 probak egiteko. Duela hilabete gutxi atera zen ardoa Amurrioko Barañano likore fabrikatik. Edaria soilik ez, botilaren etiketa ere saritu dute, Erresuma Batuko Harpers Design Awards norgehiagokan. 

'Ondarribi zuri' izeneko mahatsa baliatu dute produktua ekoizteko. Vermoutharen usaina goraipatu du epaimahaiak. “Usain zoragarria du, distiratsua, loretsua, lorategiko fruta gozoarena”, adierazi dute ebazpenean. Zaporeari dagokionez, tragoaren amaieran “belarren garraztasun gozoa” nabaritu daitekeela nabarmendu dute.  

Jendartea Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide