Asteazkenean zabalduko da Okondoko 2021-2022 ikastaroetan izena emateko epea

Yoga izango da antolatutako ikastaroetako bat. / Aiaraldea.eus

Irailaren 1etik 14ra egongo da irekita izen emate epea, eta guztira 7 ekintza desberdin gauzatuko dira.

Uda bukatzear dago, eta honekin batera, urtero bezala, Okondoko Udalak hainbat ikastaro desberdin prestatu ditu. Zazpi izango dira guztira: pilates, yoga, hipopresibo 1 eta 2, helduentzako gimnasia, helduentzako on-line dantzak, eta Art Attack.

Leku berean gauzatuko dira ekintza guztiak, kultur etxean, alegia. Urrian hasiko dira, eta ekainean bukatu, eta astean zehar izango dira. Prezioak ezberdinak dira ikastaro bakoitzean, eta erroldatuek abantaila  izango dute; baina helduentzako gimnasia eta on-line dantzak dohainik izango dira. Bestalde, beherapenak egongo dira ere familia liburua edo ikasle txartela aurkezten bada.

Izena emateko bideak

Okondoko web orrian eskuragarri dagoen inskripzio orria bete behar da (behean erantsi dugu esteka), eta herriko udaletxean edo liburutegian entregatu irailaren 1etik 14ra. Pertsona bakoitzak fitxa bana bete beharko du, ikastaroko, eta ez da epez kanpoko inskripziorik onartuko. Zozketa egingo da izena emandakoen kopuruak leku-kopurua gainditzen badu. Gutxienez 8 pertsonako taldeak osatu beharko dira jarduera aurrera eramateko.

Erlazionatuak

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide