Okondoko Udalak igerilekuen sarrera mugatuko du astelehenetik aurrera

Beroak jende pilaketak eragin dituela adierazi du Udalak.

Okondoko Udalak bandoa plazaratu du jakinarazteko astelehenetik aurrera udal igerilekuetara soilik izango dutela aukera sartzeko abonua dutenek, salbuespenak salbuespen.

Okondoko Udalak bandoaren bidez adierazi du astelehenetik aurrera ez direla egun bakarreko sarrerak edo abonuak salduko. Neurria hartu du tokiko erakundeak iritzita bero olatuaren ondorioz jende pilaketak gertatzen ari direla azpiegituran.

Ondorioz, eta COVID-19 birusaren zabalpena ekiditeko, Udalak erabaki du uztailaren 18tik aurrera igerilekuen erabilera mugatuta egongo dela udako abonua dutenentzat.

Salbuespena egongo da, ordea: abonua duen norbaitekin elkarbizitzen bada, aukera egongo da eguneko sarrera ordaintzeko eta azpiegiturak baliatzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide