Okondon ospatu dute Ugarteko Torneoan lortutako garaipen bikoitza

Erredakzioa 2022ko abuztuaren 1a

Ongi-etorri beroa egin zieten atzo Okondon Ugarteko Futbito Torneoan garaipena lortu zuten bi taldeei. Kamioian desfilatu zuten jokalari gazteek herrian barrena, eta Kultur etxeko balkoira igo ziren jarraian. Banan-banan hartu zuten hitza jokalariek, eta eskerrak eman zizkioten Patxiri, torneoa antolatzeagatik.

Larunbat arratsaldean amaitu zen Ugarteko Futbito Torneoa, auzoko jaien egitarauaren barruan. Maiatzaren bukaeran hasi ziren partidak.

Dozenaka jokalarik hartu dute parte norgehiagokan, bost kategorietan banatuta (Alebina, Infantilak, Kadeteak, Jubenilak eta Seniorrak).

Harrera beroa izan du egitasmoak: dozenaka herritar bertaratu dira azken bi hilabeteetan zehar egin diren partidetara, eta larunbateko finalean txiki geratu ziren harmailak bertaratu zen jende guztiarentzat.

Ia 40 urteko historia du kirol probak. 1984. urtean egin zen lehenbiziko aldiz. Pandemiak, baina, proba bertan behera uztea eragin zuen ekimena, orain arte.

Argazkiak: Naroa Urkijo

Kirola Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide