Batez ere haurrentzako ekintzak antolatzen dituen elkartea da Okondo Begira. Herrian gaztetxoek zeukaten jarduera faltak bultzatu zituen zenbait guraso taldea osatu eta askotariko dinamikak prestatzera. Haur, gazte eta gurasoentzako ikastaroak antolatu dituzte eta, aurten, lehen aldiz, Gabon zaharreko ospakizuna prestatu dute.
11:00etan jarri dute hitzordua frontoian, aurpegiak margotu eta 12:00etarako dena prestatzeko. Tarte horretan, Partymanen ikuskizunak girotuko du herria. Parrokiako kanpaiek 12:00etan joko dutenean lehertuko da festa. Haurrentzako lakasitoak banatuko dituzte kanpaiekin batera jan ditzaten. Ostean ere jarraituko du diskofestak.
Okondo Begira elkarteko Naiara Escuzak azaldu du familia guztientzako irekia dagoela ekitaldia eta ez dela aurrez izena behar. Horrez gain, datorren urteari begira ekintza gehiago antolatuko dituztela aurreratu du, zibersegurtasunaren inguruko ikastaroak, gau beltza, mendi irteerak edo bestelako txangoak, esaterako.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
