Sebastian Deunaren jaia ospatuko dute asteburuan Okondoko Otaola auzoan

Aimar Gutierrez Bidarte 2023ko urtarrilaren 19a

Okondoko Otaola auzoan elkartuko dira herritarrak asteburuan. / Aiaraldea.eus

Sebastian Deunaren jaia ospatuko dute Otaola auzoan asteburu honetan. Tradizio handiko festa da Okondon. Zuhaitz bat moztu eta herrigunera jaisten dute egur horrekin "neguko sua elikatzeko".

Sebastian Deunaren omenezko jaia ospatuko dute asteburuan Okondoko Otaola auzoan. Bihar hasiko dituzte ospakizunak, mezarekin eta hamaiketako batekin.

Egitarau nagusia larunbatean bilduko dute, urtarrilak 20. 12:30ean meza egingo dute Otaola auzoko baselizan. Hamaiketakoarekin batera trikitixa doinuek alaituko dute auzoa harik eta, tradizioari jarraituz, zuhaitz bat moztu eta herrigunera jaitsiko duten unera arte. Herrigunerako bidean, hainbat geldialdi egingo dituzte zuhaitz eta guzti, eta antolatzaileek “poteo galanta” iragarri dute Okondoko tabernetatik.

Tradizio handiko ospakizuna da honakoa; moztutako zuhaitza Okondotik paseatu ostean, zati txikietan moztu eta "neguko sua elikatzeko" baliatuko dute egurra.

Kultura Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide