Iritsi dira Aratusteak Okondora ere. Aste osoan zehar ibili dira mozorroekin ekimenak egiten herriko eskolan. Hala adierazi diote Aiaraldea Komunikabideari bertako irakasleek. Piraten eguna, pijamarena, mozorro librearena, zapiena... Orotariko jarduerak garatu dituzte modu horretan.
Gaur izan da, ordea, egun nagusia. 16:00etan zuten hitzordua jarria Okondoko Eskolan, eta ez dute hutsik egin ikasleen senide zein lagunek. Gainera, gurasoek ere egin dute bat deialdiarekin, espazioko langileez jantzita bertaratu baitira.
Ikastetxeko ekitaldiaren ondotik, herriko frontoira jo dute kalejiran, Udalak eginiko deialdiari segika. Hala, umeentzat jolasak eta festa izan dira nagusi arratsalde osoan zehar.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide