Martxoaren 26an, igandean, Okondok XXIV. Baserri azoka ospatuko du. Aurten Garrastatxu baselizaren inguruan jarriko dituzte azoka postuak eta askotariko jarduerak prestatuko dituzte giroa alaitzeko.
10:30ean emango diote hasiera azoka egunari, musika-animazioak lagunduta. Goizean zehar haurrentzako tailerrak egongo dira eta eguerdian egurrezko jolasekin aritzeko aukera izango dute bertaratutakoek. Ez hori bakarrik, 12:00etatik aurrera AiarAndreen Taupadak batukada arituko da azoka perkusioz girotzen.
Hainbat erakustaldi ere antolatu dituzte. 11:30ean artzain txakur erakusketa egongo da eta 13:30ean harri zulatzaileak arituko dira. Gainera, antzinako lanbideen erakustaldia egingo dute goiz osoan zehar. Zehazki, saskigintza eta errementaritza ogibideak nolakoak ziren erakutsiko dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
