Ekosistema politiko propioa du Okondok. Sergio Tatok hartu zuen aginte makila 2011n, EH Bildurekin. 2015ean, aldiz, Okondo Aurrera talde independetearekin aurkeztu zen Tato, eta berriz irabazi zituen hauteskundeak, EH Bilduri botoen erdia baino gehiago kenduta.
2019an, aldiz, EAJ gailendu zen, eta EH Bildurekin batu zituen indarrak udal gobernua osatzeko. Izan ere, jeltzaleek zazpi botoko aldea baino ez zioten atera Okondo Aurrerari, eta koalizio abertzalearen babesa behar zuten.
Modu horretan, EAJk eta EH Bilduk elkarrekin gobernatzen igaro dituzte azken lau urteak, beste edozein tokitan pentsaezina izango litzatekeen gisara.
Gauzak hala, hiru talde politikoek izango dute zeresana maiatzaren 28ko udal hauteskundeetan, eta euren arteko akordio edota desadostasunak ere funtsezkoak izan daitezke gobernua osatzeko orduan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
