EAJ izan da zerrenda bozkatuena Okondon, aurreko urteetako aldea handituta

Erredakzioa 2023ko maiatzaren 28a
Deskargatu Info Ahotsak :

Okondoko EAJ hauteskunde kanpainako ekitaldi nagusian, herriko pilotalekuan. / Okondoko EAJ

Jon Escuza buru duen zerrenda izan da Okondoko bozkatuena, 381 botorekin. Bigarren indarra Okondo Aurrera izan da (219) eta EH Bildu (140) hirugarrena. Aurreko hauteskundeetan baino zinegotzi bat gehiago eskuratu du EAJk eta bat gutxiago EH Bilduk.

EAJ izan da zerrendarik bozkatuena Okondon, 2023ko udal hauteskundeetan. Guztira, % 83,71 izan da parte hartzea, bozkatzera deituta zeuden 927 bizilagunetatik 776k eman baitute boza. Horietatik 381ek egin dute Eusko Alderdi Jeltzalearen alde, %50,13ak, hain zuzen.

Honenbestez, aurreko hauteskundeetako aldea handitu du EAJk Okondo Aurrerarekiko. 2019an 7 botoko aldearekin irabazi zuen EAJk. Aurten, ordea, 162ko aldea atera dio alderdi jeltzaleak talde independenteari.

Azken honek 219 bozka eskuratu ditu, EH Bilduk 140, PPk 7 eta PSE-EEk 3. Zinegotziei dagokionean, ondorengoak izan dira alderdika emaitzak: bost zinegotzi lortu ditu alderdi jeltzaleak, hiru Okondo Aurrerak eta bakarra EH Bilduk.

2019ko udal hauteskundeekin alderatuta, zinegotzi bat gehiago bat gehiago eskuratu du EAJk, EH Bilduren kaltetan.

 

Politika Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide