Unzabetxeko zenbait auzokide Aiaraldea Komunikabidearekin jarri dira harremanetan salatzeko apirilaren 26tik ur beltzen isurketak zeharkatzen duela auzunea. "Ezin ditugu ezta etxeko leihoak ireki", adierazi du okondoar batek.
Egun horretan hasi ziren azaleratzen ur beltzak eta maiatzaren 15ean enpresa bat kontratatu zuten putzu septikoa garbitzeko.
Enpresak putzua hustu eta ziurtatu zien auzokideei, txosten batekin, hodia buxatuta zegoela harriekin edo lokatzarekin eta ez zela erabilgarria.
Gauzak horrela, 24 ordutan isurketa berriro azaleratu zen. URA Agentziako teknikari batek egin zuen bisita maiatzaren 16an eta aholkatu zuen enpresa deitzea berriro, baina auzokideek azaldu zioten, alde batetik, enpresako jardunaldi bakoitzak 1.600 euro balio duela, eta, bestetik, arazoa hodian dagoela.
Geroztik, Unzabetxeko herritarrak saiatu dira URAk bere gain hartzen arazoa, baina momentuz ez dute lortu eta ur beltzek auzunea zeharkatzen jarraitzen dute, ibaian amaitzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
