Jon Escuza alkatea lanaldi osoan arituko da

Aitor Aspuru Saez 2023ko uztailaren 6a
Deskargatu Info Ahotsak :

Egungo udal gobernu taldea eta Jon Escuza aginte makilarekin. / Aiaraldea.eus

Aurreko legealdian lanaldi erdian aritu zen alkate arduretan eta %66ko dedikazioarekin enpresa pribatuan. 2022an baino 8.000 euro gutxiago jasoko ditu.

Okondoko udalbatzak onartu du Jon Escuza alkatea liberazio osoan aritzea hasi berri den legealdian. Horrela, lanaldi erditik esklusibotasunera igaroko da. Izan ere, aurreko legealdian enpresa pribatu batean %66ko lanaldia izan zuen (32.563,36 euro jasota) eta %50ekoa udalean (24.950,27 euro irabazita). Hau da, guztira 57.513,63 euro jaso zituen urtero.

Urritik aurrera, ordea, 49.338 euro jasoko ditu udaletik -8.000 euro gutxiago-, baina lanaldi osoa izango du alkate moduan.

Modu horretan, espero du indar guztiak Okondoko Udalak izango dituen erronketara bideratzea; Hiri Antolamenduko Plan Orokorraren (HAPO) idazketara edota kiroldegi berriaren eraikuntzara, besteak beste.

Sergio Tatoren aurrekaria

Alkatearen soldata eta dedikazioa eztabaidagaia izan zen Sergio Tato azkenengo aldiz alkate izan zenean. Hain zuzen, oposizioak (EAJk eta EH Bilduk) lanaldia erdira murriztu zioten eta Okondo Aurrerako ordezkariak epaitegira eraman zuen erabakia.

Politika Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide