LAN ESKAINTZA

Bi gazte kontratatuko ditu Okondoko Udalak lorezaintza lanak egiteko

Txabi Alvarado Bañares 2024ko apirilaren 8a

Herriko parke eta lorategiak atontzea izango da bi gazteen zereginetako bat.

Urtebeko kontratua egingo diete lanaldi osoan. Apirilaren 19ra arte eman daiteke izena, Lanbiden.

30 urte baino gutxiagoko bi gazte kontratatuko ditu Okondoko Udalak, herriko hiri-ingurunea, parkeak, lorategiak zein bideak mantendu eta hobetzeko.

Gazteetako batek lorezain funtzioa beteko du, eta besteak lorezain laguntzailearena.

Interesdunek apirilaren 19ra arte dute lan eskaintzetara aurkezteko epea.

Lorezainak erdi-mailako, goi-mailako edo batxilergoko prestakuntza-ziklo bat izan beharko du. Lorezain laguntzaileak, aldiz, nahikoa izango du oinarrizko lanbide heziketa, profesionaltasun-ziurtagiria edo DBHko gradua izatearekin.

Biek ala biek Lanbiden altan emanda egon beharko dute enplegu-eskatzaile gisa, eta Gazteen berme-sisteman ere egon behar dira.

Jendartea Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide