Arabako Batzar Nagusiak Okondoko frontoian elkartuko dira igandean

Aitor Aspuru Saez 2024ko maiatzaren 23a
Deskargatu Info Ahotsak :

Duela bi urte egindako Lur Jareen bilkuretako bat. / Arabako Foru Aldundia

Arabako Foru Aldundiko ordezkari politikoen bilerarekin batera, lasterketa eta aizkolari probak egongo dira.

Arabako Batzar Nagusiak Okondoko frontoian bilduko dira igandean. Saioa berezia izango da, Lur Jareen bilkura izango baita. Batzar mota horiek bi aldiz egiten dira urtero Gasteiztik kanpo, maiatzako eta azaroko azken igandeetan, hain zuzen.

Bilerak protokoloa jarraituko du eta horretarako atonduko da pilotalekua. Halaber, segizioa ere egongo da, Ramiro Gonzalez Ahaldun Nagusiarekin eta minoiekin, besteak beste, galako jantziak soinean.

Presidentetza Irma Basterra aiaraldearrak hartuko du eta eztabaidak ikusteko aukeraz gain, bi kirol jarduera eskainiko ditu hitzorduak. Alde batetik, Arabako Batzar Nagusien XXI. Lasterketa. 5,5 kilometroko ibilbidea izango du eta gaur amaituko da bertan izena emateko epea.

Bestetik, Euskal Herriko aizkolarien txapelketako finalerdiak egongo dira jokoan eta ETBn emitituko dituzte.

Politika Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide