Okondora iritsi da Poetak Maiatzean ekimena

Erredakzioa 2024ko maiatzaren 28a
Deskargatu Info Ahotsak :

"Kristalezko orrialdeak" ekimena egin dute herrian lehenbiziko aldiz. 

Gasteizko nazioarteko poesia jaialdia da Poetak Maiatzean, baina Arabako beste herrietan ere du presentzia ekimenak, hainbat jardueraren bidez. 

Aurten iritsi da egitasmoa Okondora lehenbiziko aldiz. "Kristalezko orrialdeak" izeneko jarduera egin dute bertan, olerkiak idatziz udaletxeko, liburutegiko eta gimnasioko kristaletan. 

Iragan maiatzaren 17ean, aldiz, 30 lagun inguru bildu ziren Kultura etxean, euskaraz, gaztelaniaz eta katalaneraz irakurritako eta abestutako olerkiak entzuteko. 

Laudion datorren ostiralean

Eskualdeko beste toki batzuetan ere izango du isla poesia jaialdiak. Laudion emanaldi bikoitza egongo da ostiralean, "Zubiko Malekoia" gisa ezagutzen den zonaldeko lau tabernetan: Sorgin, Keska, Capucci Katua eta El Lio. Belaunaldien arteko poesia saioa egongo da 12:00etan, haurren parte hartzearekin. 19:00etan, aldiz, beste emanaldi bat egongo da, establezimendu bertsuetan. Biak ala biak doan izango dira. 

Argazkiak: Xabi Ugalde

Kultura Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide