Okondoko Udalak zabaldu du Kultura Etxeko teilatuan zegoen fibrozementua kendu duela jadanik. Gai horrek amiantoa dauka eta, ondorioz, arriskuak sortzen ditu osasunean.
Lan horiek egikaritzeko zenbait dirulaguntza jaso ditu tokiko erakundeak, Eusko Jaurlaritzako EREIN 2024 programaren bidez, Ingurumen, Lurralde Plangintza eta Etxebizitza Sailaren partetik eta Arabako Foru Aldundiaren 2022-23 Foru Planaren bitartez.
Tokiko erakundeak azpimarratu du Kultura etxea zela amiantoa zuen udalerriko eraikin publiko bakarra, eta gogoratu du ekonomia zirkular baterako hondakin eta lurzoru kutsatuei buruzko 7/2022 Legeak fibrozementua kentzera behartzen dituela udalak. 2028rako material hori kendu egin behar denez eraikin publikoetatik, Udalak bukatutzat ematen du aipatutako legearen betebeharra.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
