Okondoko EH Bilduk proposatu du baserrien zatiketa ahalbidetzea, eraikinak kontserbatzeko eta etxebizitza aukerak emateko

Erredakzioa 2025eko apirilaren 4a
Deskargatu Info Ahotsak :

Okondoko EH Bilduko zerrendakideak. / EH Bildu

Egitasmoak aurrera egiteko beste taldeen babesa beharko luke, eta baita Udal Hirigintza Araudia aldatzea ere.

Okondoko EH Bilduk mozioa aurkeztu du herriko baserrien zatiketa ahalbidetu dezaten, eraikin batean bi etxebizitza edo gehiago egon daitezen.

Koalizioak bi helburu bete nahi ditu horrekin. Alde batetik, etxebizitza beharra asetzea eta, bestetik, udalerriko ondare kulturala zaintzea: "Okondoko baserriak, gure ondarea, hondatzen eta behera etortzen ari direla ikusten dugu, eta ezin dugu hori onartu".

Ekimena egikaritzeko, lehenik eta behin, testua onartu beharko dute beste taldeek eta gero aldaketa hori txertatu beharko dute Udal Hirigintza Araudian, Udal Arau Subsidiarioek ez baitute baimentzen baserrien zatiketa.

Horrez gain, EH Bilduk eskatu die Eusko Jaurlaritzari eta Arabako Foru Aldundiari "baserriak birgaitzeko laguntza-lerroak ireki ditzatela, jabetzako nahiz alokairuko etxebizitzen eskaintza arrazoizko prezioan zabaltzera bideratzeko".

Politika Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide