Okondoko alkateak uste du urrats historikoa egin duela herriak. Izan ere, kiroldegi berriaren proiektuaren esleipena abiatu dute, pleguak argitaratuta.
Guztira, 2,2 milioi euro baino gehiagoko aurrekontua dauka egitasmoak eta "kostuaren %84 baino gehiago laguntza publikoek" ordaintzea lortu duela aldarrikatu du tokiko erakundeak.
"Guztira, 1.913.729,60 euro lortu ditugu Foru Planetik, Eskualdeko Jarduera Planetik (NPB) eta Ingurumeneko ildo espezifikoetatik datozen dirulaguntzetan. Era berean, Udaletik beste dirulaguntza deialdi batzuetara joatea da gure asmoa, proiektuaren finantzaketa osoa lortzeko helburuarekin", aurreratu du udalburuak.
Azpiegitura berriari dagokionez, gimnasioa, erabilera anitzeko aretoak, aldagelak eta padel pista izango ditu. Hori guztia futbol-zelaiaren ondoan kokatuko da, egungo eraikina ordezkatzeko.
Udalaren asmoa da obrak udan hastea eta urtebetez luzatzea, eta horrekin espazio moderno eta egokia lortzea kirola egiteko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
