Gorka Aginagalde izango da biharko Txakolin Jaiko gonbidatua

Txabi Alvarado Bañares 2025eko uztailaren 4a

Ane Gabarain aktoreak egin zuen ohorezko brindisa iaz. / Aiaraldea.eus

Txakotxikigunea atonduko dute haurrentzat Kultur etxean.

Gorka Aginagalde aktore eta umoregilea izango da Okondoko Txakolin Jaiko gonbidatua. Bera arduratuko da ohorezko brindisa egiteaz bihar 13:00etan, goiz osoko egitaraua klimaxera eramateko.

San Bartolome enparantza izango da festaren epizentroa. Hegaluzea zein hanburgesa txikiak dastatzeko aukera emango dute bertan, eta txakolina, noski. Urtero bezala, Arabako Jatorrizko Izendapenaren barruan dauden ekoizleek hartuko dute plaza, azken uztaren emaitzak partekatzeko.

14:30ean emango diote amaiera goizeko txanpari, zozketarekin. Arratsaldean, aldiz, igerilekuetara mugituko da giroa, bertan joko baitu Radio Vinilo taldeak, 1980. hamarkadako kantuen bertsioak plazaratuz.

Haurrentzako, "Txakotxikigunea"

Haurrek ere izango dute zertan gozatu. "Txakotxikigunea" atonduko dute Kultur Etxean, 11:30etatik 14:30etara. Umeentzako eskulanak, jolasak eta talo tailerra eskainiko dituzte bertan. Izen ematea, dena den, ekainaren 30ean itxi zen.

Kultura Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide