Larunbatean 17:00etan liburu aurkezpena egingo dute Okondoko Kultura etxean. Herriko 30 emakumeren lekukotza eta argazkiak biltzen ditu testuak eta azken mendeko memoria jasotzen du andren ikuspuntutik.
Ametsuts Emakumeen Elkarteak lagundu du proiektuan. Arabako Foru Aldundiko Berdintasun Sailak eta Udalak abiarazitako ekimena izan da, eta Inma Roiz idazleak eta Xabier Ramos argazkilariak gauzatu dute.
30 elkarrizketa harilkatzen ditu testuak, andra horiek bizitako zein euren ingurukoei entzundakoa uztartuz eta emakumearen eta herriaren bilakaera islatuta.
Horrela, iraganeko bizimoduak aletzen dira, komunitatearentzat esanahi bat izan zutenen oroitzapena, hala nola, "fonda eta tabernen jabeen, hirira eraman zitekeen guztiaren saltzaileen edo 'Maria galiziar' hura bezalako ekintzaileen oroitzapena, zeinak zezen-plaza batera iritsi ziren zurezko apeak jarrita". Hala azaldu du Inma Roizek berak.
Idazleak aipatu du trabak eta lorpenak islatu dituela: sexuaren araberako segregazio sistema zuen eskola, sistema patriarkalak ezarritako bazterketa eremu publikoan zein pribatuan, guatekeak, eta Ametsuts elkartearen sorrera 1990eko hamarkadan, besteak beste.
Egileak azpimarratu du Xabi Ramosen argazkiak baliatzeaz gain familien bildumetatik ere hartu dituztela irudiak, asko zuri-beltzean.