Ander Urkiza Euskadiko tenis txapelduna izan da bikoteka junior kategorian

Aitor Aspuru Saez 2026ko maiatzaren 9a
Deskargatu Info Ahotsak :

Ander Urkiza eta Asier Perez.

Asier Perezekin osatu zuen bikotea Laukarizeko Klubeko azpiegituretan jokatutako txapelketan. Urkizak bigarren postua ere eskuratu zuen banakako txapelketan.

Maiatza ondo hasi du Ander Urkizak, bi garaikur eskuratu baititu Laukariz Klubean jokatutako Euskadiko Tenis Txapelketan, junior kategorian, zehazki. 

Bi diziplinatan parte hartu du okondoarrak. Alde batetik, bikotea osatu zuen Asier Perezekin eta, bestetik, bere kabuz lehiatu zen banaka. Perezekin txapela eskuratu zuen eta, ondorioz, Espainiako Tenis Txapelketan aritzeko aukera izango dute.

Banaka, aldiz, bigarren izan zen Urkiza, Julen Gonzalezekin finala galdu ostean. 

Taldeka ere lorpenak izan ditu okondoarrak, EAE, Nafarroa, Kantabria eta Errioxako Torneoko lehen mailarako igoera gauzatu baitzuen martxoaren amaieran, kategoria absolutuan. Puntako taldeak menperatu behar izan zituzten horretarako, Donostia edo Bilboko klubak barne.

Kirola Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide