Okondoko Udalak gazteak kontratatzeko ekimena abiatu du. 16 eta 30 urte bitarteko hautagaiak onartuko dituzte eta erdi-mailako edo goi-mailako heziketa zikloa edo batxilergoa izan beharko dute herritarrek prozesuan onartuak izateko.
Berez, hiri-ingurunea, parkeak eta lorategiak mantentzeko eta hobetzeko lanak egiteko bi lanpostu betetzeko dira eskaintzak. Bata lorezain lanak hartuko ditu urtebetez eta besteak udal brigadako laguntzailea sei hilabetez (azken hori ez dago mugatuta gazteentzat soilik).
Halaber, beste pertsona gazte bat ere hartuko dute udal-bulegoetan administrari laguntzaile ardurak hartzeko urtebetez.
Jadanik 40 lagun baino gehiagok eman dute izena deialdian eta interesdunek Lanbidera jo behar dute azaroaren 25ean beranduenez.