Sanantolinak amaitu eta berehala Orozkoko auzoetara mugituko da jaia. Irailaren 8an eta 18an Goikiriako jaiak izan ziren. Aste honetan, berriz, sanmigelak hasiko dira Berazan.
Urriaren 1era arte luzatuko dira ospakizunak auzo horretan. Ostiralean umeak izango dira protagonista, hainbat ekintzaz gozatzeko aukera izango baitute: TrucaRec elkartearen arropa birziklatzen ikasteko tailerra, edota Irrien Lagunen ikuskizuna, besteak beste.
Asteburuan, berriz, mus eta paella txapelketek hartuko dute lekukoa.
“Gehienetan Orozkoko jendea gerturatzen da, nagusienetatik hasi eta gazteenetara”, azaldu dute Jai Batzordeko kideek, baina gaineratu dute badaudela kanpotik bertaratzen diren pertsonak ere, “inguruko auzoetako nekazaritza turismoetan ostatua hartu dutenak”.
Jaietako ekintza guztiak “erdi lotuak” dituzte dagoeneko. Hala ere, Jai Batzordetik aitortu dute azken momentuan beti azaltzen direla egin beharreko kontuak. Festek irauten duten egunetan lan handia dute batzordeko kideek.
Hala ere, talde zabala da Jai Batzordea, Bertako kideek ez dakite zehazten zenbat pertsonek osatzen duten. “Jaiak gerturatu ahala auzokoak gerturatzen dira laguntzera, nagusi eta gazteak; garbitzen, dena prestatzen, karpa jartzen… zaila da zenbat garen esatea”.
EGITARAU OSOA
Irailak 29, osteguna: Mikel Deuna
11:30 // Lehen suziriaren jaurtiketa eta kanpai hotsa
12:00 // Mikel Deunaren omenezko Meza Santua
Irailak 30, ostirala
17:30 // Truca Rec elkartearen tailerra: Birziklatu eta jolastu
18:30 // Irrien Lagunaken kantu eta dantza ikuskizuna
Ondoren txokolatea ume guztientzako
21:00 // Kontzertua: Dr. Maha’s Miracle Tonic (swing, western swing eta rhythm’n’s blues)
Bitartean pintxo-potea: sardinak, urdaila…
[video:https://www.youtube.com/watch?v=7tkEwhO0c3Y]
Urriak 1, larunbata
18:00 // XX. Mus Azkar txapelketa
23:00 // Gau-jaia: Joselu anaiak taldearen eskutik
[video:https://www.youtube.com/watch?v=_Qb55lPTEXc]
Urriak 2, igandea
11:00 // XXI. Paella txapelketa
Sariak:
1) 80 € eta oparia
2) 40 € eta oparia
3) 20 € eta oparia
Goiz guztian kalejira egongo da Soplagaitak taldearekin
11:30 // Auzoko hildakoen omenez Meza Santua
Ostean: Euskal dantzak Ubixeta dantza taldearen eskutik
13:30 // Paellen aurkezpena, sari banaketa eta zozketa. Bazkalostean bingoa eta aulkien jokoa.