Laudioko Ertzaintzak 56 urteko gizona atxilotu zuen astelehenean Orozkoko gasolindegian lapurreta gertatu ostean.
Ustezko lapurrak 13.000 euro baino gehiago ostu zituen eta Laudioko zubi baten azpiko kanalizazio batean gorde, bertan topatu baitzuten dirua ertzainek, baita erregaia hornitzeko zazpi kreditu-txartel ere.
Antza, lapurrak gasolindegiarekin harreman zuzena izan du eta poliziak berehala ezagutu zuen, segurtasun-kamerak estaltzeko aerosolak eta euritakoa erabili zuen arren.
Asteartean Amurrioko epaitegira eraman zuten atxilotua.