Abuztuaren 31tik (asteazkena) irailaren 4ra (igandea) ospatuko dira Orozkoko San Antolin Jaiak. Bost egun horietan zehar herrian egingo diren ekintzetako batzuk aurreratu ditu Antolinzaleak Jai Batzordeak.
Musika eskaintza zabala egongo da. Ostiralean (irailak 2) Kherau taldeak joko du Zubiaur Plazan, 20:30etan. Erromeria egongo da ondoren, Tximeleta taldearekin. Txosnagunean, berriz, Gorrotoz Haziak, Eskean Kristo eta Patrol Destroyers taldeek joko dute.
[video:https://www.youtube.com/watch?v=RXFWxcndPMs]
[video:https://www.youtube.com/watch?v=gTa_x98Kro8]
[video:https://www.youtube.com/watch?v=uX9vlsEj7Uc]
[video:https://www.youtube.com/watch?v=KgM4KgRQc78]
[video:https://www.youtube.com/watch?v=JTbuMgcDMRU]
Zapatu morea
Larunbatean, berriz, “Zapatu morea” ekimena egingo dute Orozkoko Gazte Asanbladak eta Matxintxu emakume taldeak. Ekimen horren baitan igoko dira oholtzara La Basu rap abeslaria eta Las Fellini talde bilbotarra.
[video:https://www.youtube.com/watch?v=plHa_lCqPZc]
[video:https://www.youtube.com/watch?v=6wRdVhiaqvA]
Gau partean, berriz, Kaotiko taldeak joko du, Gorbeia kalean.
[video:https://www.youtube.com/watch?v=NyPPFUyAkrE]
Ohiko ekitaldiak
Musika emanaldiez gain, ez dira faltako ezta San Antolinetako ohiko ekintzak: Ostegunean mozorro lehiaketa egingo da zezen plazan. Ostiral goizean Garrafa Lehiaketa egingo da eta larunbatean, berriz, marmitakoarena. Igandea izango da azken festa eguna, eta joko-poteoa eta herri bazkaria egingo dira, beste hainbat ekintzen artean.
[video:https://www.youtube.com/watch?v=vF9hmh7md-s]
[video:https://vimeo.com/105261822]