Larunbat honetan, maiatzaren 28an, izango da Emakume Pilotari Eguna Orozkon. Bizkaiako Eusko Pilota Federakuntzak urtero antolatzen duen ekitaldia da eta bertan Bizkaian pilotan aritzen diren emakume guztiak omenduko dituzte.
Partida ugari eta Orozkoko Olgetaneko jokalariek ere parte hartuko dute
Egitarauak hainbat ekintza biltzen ditu arratsalderako. Hasteko pilotariek desfilea egingo dute, herrika antolatuz eta frontoian sartuko dira denak. Bertan omenaldi bat egingo zaie Bizkaiko elkarte, teknikari eta pilotari ezberdinei eta ondoren partidak hasiko dira.
Lehenbizi eskolarteko neskatoen eskuz binakako partidaz gozatzeko aukera izango dute zaleek. Horren ostean paleta gomazko kiniela eta partida jarraituko dute.
Orozkoko Olgetan elkarteko bikote batek jokatuko du kinielan. Paleta gomazko kinielan bikote ezberdinek jokatuko dute, lehenbizi bi bikote hasiz eta tantoa galtzen duenak kanpora joan eta hurrengo bikotea sartuko da. Horrela jarraituko du partidak, bikoteetako bat jarritako tanto mugara iritsi arte, orduan bikote horrek irabaziko baitu kiniela.
Azkenik federatu mailako emakumeen paleta gomazko partida izango da.