aiaraldea.eus

"Zabaleko" toponimoa berreskuratu dute orain arte "Gotxi" izendatutako auzunean

Erabiltzailearen aurpegia Zutoia Latatu   Kultura  Orozko

Zabalekoko auzotarrek, orain arte “Gotxi” izendatuta, Orozkoko Udalari eskatu diote euren toponimo ofiziala Zabaleko izatea. Eskaera horri erantzuna emanda osoko bilkurak onartu du Zabaleko izatea auzo horren izen ofiziala.

Aldaketa hori, toponimiari eta historiari erreparatuta egin da. Izan ere, betidanik Zabaleko izan da auzo hori izena.

Zabalekoko auzotarrek, orain arte “Gotxi” izendatuta, Orozkoko Udalari eskatu diote euren toponimo ofiziala Zabaleko izatea. Eskaera horri erantzuna emanda osoko bilkurak onartu du Zabaleko izatea auzo horren izen ofiziala.

Aldaketa hori, toponimiari eta historiari erreparatuta egin da. Izan ere, betidanik Zabaleko izan da auzo hori izena.

Orain arte zeukan izenak, Gotxik, ez du hartu ezta tokiko elizaren izena “Olarte”; Olartegotxi zonaldearen izena baizik. Auzotarren ustetan “ez badugu toponimia errespetatzen gure betiko izenak galduko ditugu”.

Erabaki hori izenen bateratzearen kontrakoa da baina udalaren aburuz bertoko auzotarrek inoiz ez dira identifikatu Gotxi izenarekin eta horregatik sumatu dute aldaketa beharrezkoa dela.

Erantzunak

Erabiltzailearen aurpegia Felix Mugurutza Erantzuna | #1

Egia esateko ez da toponimo bat berreskuratu.

"Zabaleko" izena beti egon da hor indarrean leku-izen gisa, zeharo normalizaturik. Horren adierazle, adibidez, orozkoar guztien onespenarekin (erakusketa publiko arrakastatsu eta emankorrak egin izan ziren argitaratu aurretik) 2011. urtean argitaratutako toponimia-mapan ondo islatuta dago, baserri-auzune moduan. Inork ez zuen susmopean jarri.



Udalean onartu berri dena (eta hori da albistea) da izen hori "kale izendegian" txertatzea, "posta-helbidetzat" hartzea, nolabait esateko. Bestelako adibide batez ilustratuko dugu: "Altipitatx" toponimo bat da (mendi baten izena), zeharo normalizatua, baina ez dago udalak barne antolamendurako darabilen kale-izendegian, ez dutelako haren beharrik. Bestetik "Gorbeia" kalea dugu Orozkoko herrigunean, bertako toponimoa izan barik.



Kale edo auzune bati, edozein izen jar dakioke, erabaki politikoa delako azken finean. Toponimia beste gauza bat, sakonagoa, ondareari, lurrari, gizakiari lotuta eta printzipioz proiektu politikoen gainetik dagoena. Horregatik ez zaie sarritan politikoei gustatzen: ezin dutelako, beste gauzekin egiten duten bezala, euren nahikerietara egokitu.

Orozkoko kasu honetan, aitzitik, amaiera zoriontsuko ipuina da: toponimo bati bestelako graduazio bat eman zaio kale izendegian sartzean. Horrela, indartu egingo da. Erabaki zilegi eta zintzoa, benetan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa