Aurreko legealdian bezala, Orozkoko Udaleko Gobernu Taldeak, 2016. urterako aurrekontuak osatzeko herritarren proposamenak jaso nahi ditu. Alkatetzak adierazi duenez, udalaren dirua zertan inbertituko den erabakitzerako orduan ahal beste herritarrek parte hartzeak garrantzi handia du.
Urrian auzoetako batzarretarako deialdiak egingo dituzte eta parte hartzen duten herritarrek euren proposamen indibidualak edo auzokoak aurkezteko aukera izango dute.
Aurreko legealdian bezala, Orozkoko Udaleko Gobernu Taldeak, 2016. urterako aurrekontuak osatzeko proposamenak jaso nahi ditu. Alkatetzatik uste dute oso garrantzitsua dela denok parte hartzea udaletxeko dirua zertan gastatuko den erabakitze-prozesuan.
Urrian auzoetako batzarretarako deialdiak egingo dituzte eta parte hartzen duten herritarrek euren proposamen indibidualak edo auzokoak aurkezteko aukera izango dute.
Batzarretan jasotako proposamen guztiak aztertuko dira baina horretaz aparte paperez udaletxera eraman daitezke ideia guztiak. Modu berean errolda.orozko@bizkaia.org helbide elektronikora bidaliz iradokizunak jasoko dira urriaren 15a baino lehen.
2015 iradokizunak
2015. urtean aurkeztutako ekarpen ugari gauzatu du Orozkoko udalak: adibidez, Santa Maria Kalea eta Zubiaur Plaza berritzea, frontoietako zorua konpontzea, Epaltzeko bidea zein Zaloako errepidea konpontzea, bide publikoen erabilerari buruzko ordenantza berria egitea, lursail publikoak berreskuratzea edo zabortegi ilegalak garbitzea..
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
