Orozkoko San Antolin jaiak irailaren 1ean hasiko dira eta 6an bukaera izango dute. Egun horietan hainbat ekintza antolatu dituzte herriko eragileek; gastronomia, musika, euskal dantzak, zezen ikuskizunak, antzerkia, mozorro lehiaketa, umeentzako eta helduentzako jokoak, garrafa lehiaketa, txalupa lasterketa...
Baina ohiko ekintzaz gain, apustu nabarmenak ere badaude egitarauan. Horrela, txupinazo egunean -irailaren 1ean- bertso-saioa egingo dute puntako bertsolariekin; Maialen Lujanbio, Unai Iturriaga eta Igor Elortzaren eskutik, alegia. Zubiaur plazan izango da emanaldia, 21:00etan eta Potolari elkarteak antolatu du.
Betagarri
Irailaren 5ean Betagarri taldeak joko du Gorbea kalean 23:30ean. Egun horretan musika eskaintza oparoa izango da eta Gasteizko taldearen ostean Pedrá-k ere kontzertua eskainiko du, Extremoduroko abestiak joz.
Txosnagunean 19:00etan Lyrican, Patx&Run eta Five Corners taldeak arituko dira eguin berean
Kontzertu gehiago
Ohiko erromeriaz ez ezik -Joselu Anayak irailaren 2an egongo dira- Ulukak joko du Txosnagunean irailaren 3an elkartasun afariaren ondoren
Gainera, hurrengo egunean, irailaren 4an The Flamings Shakers taldea arituko da. 20:30ean izango da emanaldia eta The Beatles-eko abestiak jotzen dituztenez, jaien antolatzaileek deialdia zabaldu dute jendea mozorrotuta hurbildu dadin.
Egun berean, 22:00etan, Egurra ta Kitto, Marianitoz Blai eta Las Tea Party Djs egongo dira txosnagunean.