Iaz bezala, Orozkoko udalak herrian bizi diren bi pertsona kontratatuko ditu lanaldi erdiz, mantentze-lan ezberdinak gauzatzeko. Aurten, iaz ez bezala, 6 hilabetez izango dira kontratatuak langileak, hasieran 4 hilabetez izango zirela adierazi bazuten ere.
Iaz bezala, Orozkoko udalak herrian bizi diren bi pertsona kontratatuko ditu lanaldi erdiz, mantentze-lan ezberdinak gauzatzeko. Aurten, iaz ez bezala, 6 hilabetez izango dira kontratatuak langileak, hasieran 4 hilabetez izango zirela adierazi bazuten ere.
Kontratuen finantzazioa
Eusko Jaurlaritzako Enplegu eta Gizarte politika sailak lau hilabete finantzatuko du eta gainerako bi hilabeteak, Udalak finantzatzea adostu du.
Kontratatuko dituzten bi pertsonek aurrera eramango duten lanak, herriko altzarien egokitzapena eta margotzea izango da, batez ere paseo eta joko eremuetan.
Eguraldiaren arabera, beste lan mota batzuk ere egingo dituzte, herriko brigadari lagunduz, esaterako, areken garbiketetan arituz.
Baldintzak
Udalak burutuko dituen kontratazioak Eskualdeko Enplegu Planari jarraituz izango dira. Eskualde osoan 25 pertsona kontratatuko dira, zenbait baldintza betetzen dituztelarik: %40 emakumeak izan behar dira, %30 diru-sarrerak bermatzeko errenta jaso behar dute eta %15 55 urte baino nagusiak izan behar dira besteak beste.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
