Orozkoko udalak legealdi honetan izango duen funtzionamendua zehaztu dute. Horrela, ADIEk, nahiz eta gehiengo osoa izan, hainbat ardura eta eskumen daukan tokiko gobernu batzordean parte hartzeko deia luzatu die oposizioko taldeei. EH Bilduk onartu du bertan aritzea eta EAJk aldiz, uko egin dio proposamenari.
Udal osoko bilkurari dagokionez, hileko bigarren asteartean egingo dute, 19:00etan hain zuzen. Gainera, udal arlo berria sortu dute; herritarren partaidetza, enplegua eta turismoa landuko dituena, alegia.
Orozkoko udalak legealdi honetan izango duen funtzionamendua zehaztu dute. Horrela, ADIEk, nahiz eta gehiengo osoa izan, hainbat ardura eta eskumen daukan tokiko gobernu batzordean parte hartzeko deia luzatu die oposizioko taldeei. EH Bilduk onartu du bertan aritzea eta EAJk aldiz, uko egin dio proposamenari.
Udal osoko bilkurari dagokionez, hileko bigarren asteartean egingo dute, 19:00etan hain zuzen. Gainera, udal arlo berria sortu dute; herritarren partaidetza, enplegua eta turismoa landuko dituena, alegia.
Arlo berri hori ez ezik, aurreko legealdian zeuden beste 5 arlo ere egongo dira: kultura, kirola, hezkuntza, gazteria eta euskera alde batetik, hirigintza, lanak eta zerbitzuak bestetik, ongizatea, berdintasuna eta osasuna da hirugarrena eta nekazaritza, abeltzaintza, mendiak eta ingurunea eta ogasuna dira beste biak.
Alkatearen eta zinegotzien soldatak
Soldatak ez dituzte aldatu Orozkon. Alkateak 39.524 euro kobratuko ditu urtero eta dedikazio osoa izango du. Bestalde, zinegotziek gehienez 315 euro jasoko dituzte hilero udal osoko bilkuran eta batzordeetan parte hartuz gero.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
