JOSU SAN PEDRO Adieko hautagaia izango da Orozkoko alkatea datozen lau urteetan gehiengo absolutua lortuta.
Gehiengo absolutua lortuta pozik, ezta?
Pertsonalki taldea bezala sentitzen naiz, oso pozik. Herriak Adiek berriro irabazi behar duela erabaki du, gehiengo absolutuarekin gainera. Azken lau urteetan egin dugun lana nabaritu da eta jendeak onenak garela ikusi du.
Nola baloratzen dituzu zure alderdiko emaitzak?
Goiz da azterketak egiteko baina argi dago duela lau urte baino bozka gehiago atera ditugula. Jendeak egin dugun lana ona izan delako bozkatu gaituela uste dugu.
Beste taldeen emaitzak nola baloratzen dituzu?
Hori haiek egin beharko dute, guk gurea egiten dugu. Gure emaitzak onak ez balira autokritika egingo genuke, suposatzen dugu haiek ere egingo dutela. Beste alderdiekiko ez dut ezer esan behar.
Udalbatzaren osaketa berria ikusita datozen hilabeteetan zeintzuk izango dira zuen lehentasunak gobernatzeko?
Emaitzak ikusita gure lanarekin orain arte bezala jarraituko dugu. Jendeari eskerrak eman nahi dizkiogu emandako konfiantzagatik.
Zeintzuk izango dira zuen lehentasunak?
Beste taldeekin eseri behar gara haien iritziak jakiteko. Gehiengo absolutua dugu baina besteekin egon nahi dugu haientzako zer den inportanteena Orozkorentzat jakiteko.
Eta lege-agintaldiko erronkak?
Hiru proiekturik handienak anbulategi berria, auzoei bizitza gehiago emateko hirigintzako arauak aldatzea eta ludoteka, liburutegia zein kultur elkarteak sartzeko lokal polit bat egitea.
Herritarrei zein mezu zabalduko zenieke emaitzak ikusita?
Eskerrik asko, eskerrik asko eta eskerrik asko emandako konfiantzagatik. Haiek gabe ezin dugu ezer lortu.