Komunikabideetara igorritako prentsa oharrean Adie talde independenteak adierazi du datorren maiatzaren 24an egingo diren uda-hauteskudeetan parte hartuko duela. Egun Orozkoko udal-gobernuan den taldeak azaldu duenez, "orain lau urte moduan, hauteskundeetan aurkeztuko den hautagaien zerrenda eta hauteskunde programak ez dira taldetik irtengo, parte-hartze prozesu baten bidez baizik". Prozesu hau herri osoari irekitzeko asmoa adierazi du Idoia Camacho Adie taldeko bozeramaileak,. "Orozko herritarrena izan dadin eta ez politikoena".
Talde independenteak azaldu duenez, Orozkoko edozein herritarrek parte hartu ahal izango du prozesu honetan, izena eman, eta zein mailatan parte hartu nahi duen adierazi beharko du urtarrilaren 11a baino lehenago; "Pertsona batek izena eman dezake interesatzen zaion Udal gai bati buruz iritzia emateko bakarrik, edo Udala kudeatzeko beste modu batzuk proposatzeko, edo zerrendako kideak aukeratzeko, edo hauteskunde-programan sartzeko proposamenak eskaintzeko edo alkategaia izateko".
Ustelkeria sahiesteko talde politiko guztiek sinatzea nahiko luketen "etika-kodea" sustatuko dute
Prozesua 4 etapatan banatuko dela azaldu du Adie taldeak; urtarrilaren 11tik martxoaren 15era eztabaida garaia irekiko dute. Fase honetan, Adiek etika-kodea deitu dutena osatzea proposatuko dute: “azken urteotan Orozkon politiko batzuek errepikatzerik gura ez dugun jarrera ustela izan dute, hori dela-eta, beharrezko irizten diogu talde politiko guztiek etika-kodea onartzeari eta betetzeko konpromisoa hartzeari, edozein dela gobernuan nahiz oposizioan dagoen lagun eta taldea” argudiatu du Idoia Camachok.
Hirugarren fasea apirilaren 5era arte luzatuko da eta orduan hautatuko da Adieren hautesle-zerrenda aukeratuko da "zerrenda horretan hiru mailetako batean sartzeko interesa erakutsi dutenen artean, alegia, alkategaia izateko, zinegotzi-gaia edo zerrenda-gaia izateko.
Apirilaren 6tik maiatzaren 3ra bitartean hurrengo legealdirako Adieren lan-proposamena osatuko da, hau da, plataformak hauteskundeetan aurkeztuko duen programa. Azkenik, maiatzeko gainontzeko egunetan bosgarren fasean sartuko direla azaldu dute, hauteskunde kanpainarenean.
Parte-hartze prozesu honetan izena emateko bideak ere jakinarazi ditu Talde Independenteak; Adieko edozein kideri jakinarazi, adietaldea@gmail.com helbidearen bitartez, Adieren egoitzako postontzia erabiliz edo sare sozialen bidez.