Bizilagunen kexak jaso ondoren, Orozkoko Udalak azalpenak eskatu dizkio Bizkaiko Foru Aldundiari Ibarrako bidean jarritako babes-hesiei buruz.
Bidalitako idazkian Udalak aldaketa horiei buruz ezer ez dakiela azaltzen du eta ahulagoak diren oinezkoen eta txirrindularien aurrean ibilgailuei lehentasuna ematen zaiela.
Bizkaiko Aldundiak Udalari erantzun dio metalezko hesi bat jarri duela BI-3513 errepidean III. Eremuko errepideetako ibilgailuei eusteko sistemei buruzko araua betetzeko eta Aldundia dela errepidearen titular bakarra eta beraz, berari bakarrik dagokiola errepide horren zaintza eta ustiatzea.
Bestalde, Aldundiak gogoratu dio Orozkoko Udalari, bera dela oinezkoen bideak eraiki eta mantendu behar dituena.
Hala ere Udalak adierazi du Ibarrako errepidean nahiz eta bereziko oinezkoentzat ibilbide bat ez izan, jende asko errepide hori paseatzeko erabiltzen duela eta beraz, babes-hesi horien instalazioa arriskutsua dela.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
