Orozkoko Udalak ere euskal komunitatea interneten egituratzeko eta ikusgai egiteko konpromisoa hartu du. Horregatik .eus domeinua erantsiko dio eta helburua betetzeko bere web-atariari izena aldatuko dio martxoaren 3an. Ondorioz, bere helbidea www.orozkokoudala.com izateari utziko dio www.orozkokoudala.eus bilakatzeko.
Josu San Pedro alkateak azaldu du: “aldaketa honekin euskararen normalizazioan lagundu nahi dugu eta gainera gogoratzeko eta erabiltzeko errazagoa den domeinu berri bat lortuz.”
Ekimenaren bitartez komunitate euskaldun birtualari ikusgarritasuna ematea da helburua, euskara ikusgarriagoa eginez, besteak beste.
Eskualdean ez da .eus domeinuaren eta euskararen aldeko hautua egin duen erakunde bakarra. Laudioko udalak ezarri du dagoeneko eta Aiaraldea elkarteak ere horren alde ere egin du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
