Hilabete honetan, Orozkoko Santa Maria, Francisco Muñoz eta Gorbein kaleetan eta Zubiaur Plazako lanak hasi dira. Obra guzti horien kostua 206.278 eurokoa izango da.
Bai Santa Maria zein Francisco Muñoz kaleak norabide bakarrekoak bilakatuko dira, espaloi bat izanik. Modu horretan, kale horiek guztiak diseinu berdina izango dute eta seguruagoak izango dira.
Martxoan kreditu-aldaketa onartu zen diruzaintza-geldikinarekin. Hilabete horretan, udalak orozkoarrak bildu zituen proiektua azaltzeko eta proposamenak biltzeko.
Hiru eskaintza eskatu ziren proiektua idazteko eta Aritza Astiz-en proposamena irabazi zuen 6.650 euroko kostua zuelarik.
Proiektua behin eginda, herritarrak bildu zituzten diseinua azaltzeko eta obra aurrera eramateko lehiaketaren baldintzak aurkeztu ziren 183.000ko salneurriarekin.
Obra aurrera eramateko, hiru enpresa aurkeztu ziren eta haietatik, “Lasuen Construcciones” irabazlea suertatu zen 146.287,71 euroko salneurriarekin eta 9 hilabeteko egikaritze-epearekin.
Zubiaur Plaza eta Gorbeia Kalea
Hasiera batean, Zubiaur Plaza hobetzeko helburu nagusia zoruaren berriztapena zen baina plazaren elementu guztiak aztertu ondoren, orozkoarrek nahi duten plazari buruz hitz egiteko prozesu parte-hartzailea abiatzea proposatu zuen Udalak.
Ekainean bukatu zen “Ttipi Studio” enpresak egindako prozesua. Prozesu horrek 3.560 euroko aurrekontua izan du eta urrian aurkeztu ziren prozesuaren azken ondorioak.
Urtarrilean hasi zen plazako zoruaren konponketa, galtzadan harrizko zoladuraren alde apustua eginez Orozkoko herrialdeko purutasuna gordetzeko asmoz eta mantentze-lanen gastuak murrizten direlako.
Hori ez ezik, hondoratutako zonaldeen konponketa, galtzada-harrien arteko tarteen estalketa eta galtzada-harri leunen jartzea ere egingo da, gurpil aulki edo haurtxoen gurditxoen sarrera lortzeko.
62.624,94 euroko negoziatze-prozesua martxan jarri zen eta azkenean “Lasuen Construcciones” irabazi zuen 49.930,86 euroko aurrekontuarekin. Aipatutako lanak, 4 astetan zehar egingo dira eta aipatutako prezioak BEZ-ik gabe daude.