Urtarrilaren 2an Jentilzulo Kulturgunearen ateak irekiko dituzte, eta horretarako egitarau zabala antolatu dute, ostiralean hasi eta astelehenean bukatuko dena.
2010ean jaio zen Orozkoko Gazte Asanblada, eta ordutik, herriari kultura alternatiba eskaintzeko lanean dihardute, bidean hainbat traba izan duten arren, haien ustez.
Horietako bat gaztetxearen itxiera izan zen: Gazte Asanbladaren esanetan Udalak ez zuen komunikazio biderik ireki nahi izan eta gaztetxea itxi behar izan zuten. Hala ere, Gazte Asanbladak etsi gabe lanean jarraitu du, herriak merezi duen lokal autogestionatu bat izateko.
Borroka horretatik sortu da Jentilzulo Kulturgunea, kulturaren plaza bihurtuko den gunea; herriarentzat, ume, gazte zein nagusienentzat, Orozkorentzat hain zuzen.
Hurrengo ekintzak antolatu dituzte inaguraziorako:
Urtarrilak 2 ostirala
- 20.00 ate irekiera
- 20.00 bertsolariak
- 20.30 bideo emanaldia
- 20.45 kulturgunearen abestiaren aurkezpena
- 21:00 "hilean bariku bat!" proiektu musikalaren emanaldia
Urtarrilak 3 larunbata
- 11.30 umeentzako aurpegi margoketa
- 12:00 ipuin kontalaria
- 18:00 dardo eta pin-pong txapelketa
Urtarrilak 4 igandea
- 12:00 pintxopotea
- 18:00 "Arrakala" dokumentala eta mahaingurua
Urtarrilak 5 astelehena
- 16:00 kuadrilen arteko herri kirolak