Orozkoko udalak Gorbeialdea elkartea eta hainbat eragile eta erakunderekin batera, Orozkoko I. Gastronomia Topaketa antolatu du. “Gorbeia jan jan” izena jarri diote topaketari eta hurrengo larunbatean, urriak 18, izango da Orozkoko Museoan.
Egunari hasiera emateko, 11:00etan Gorbeiako produktuen azoka zabalduko da. Goiza aurrera joan ahala gazta dastatzeko aukera egongo da Pagobieta gaztandegiaren eskutik (Ubidea) eta ondoren azokako produktuekin egindako show-cooking bat prestatuko dute, plater horiek dastatzeko parada emango dute.
Arratsalde partean, “Gaur meriendarako... dibertigarria” tailerraz gozatzeko aukera izango dute txikienak. Aldiz, nagusientzat Aldeko eztiaren dastatze-berbaldia antolatuko dute. Garagardoa ere dastatuko dute Baias Garagardoaren eskutik.
Ekintza gehienetan parte hartzeko partaideen kopuru mugatua egongo da, beraz, interesdunentzat hoberena da gonbidapenak eskuratzea Orozkoko Museoaren bitartez. Horretarako hurrengo telefono zenbakira dei daiteke: 94 633 98 23.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
